都係嗰句:「歡樂嘅時光過得特別快!」坐响候機室, 望見個夕陽, 諗起嗰兩個蛋散(A姐同J君)仲响酒店度hea, 真係好唔想返香港呀!
I will be back~~~~
2007年5月30日 星期三
退稅
好多時去曼谷都會博命同個荷包鬥氣, 話之你鬥剩一蚊幾毫, 總之淨係留返500匹機場稅同埋幾百匹的士錢, 事關入到機場退返D稅, 攞住D cash又可以再博命!
曼谷嘅退稅手續好攪鬼, 要响入閘前去個退稅counter度蓋印, 入閘後先退錢。 但個處理蓋印嘅counter實情喺間房仔入面, 門口超細, 超鬼崇, 行過咗都唔知嗰隻, 係咁易有幾張爛鬼枱, 有條電死面(工作人員)眼睥睥咁同D旅客响張黃色退稅表上面蓋印, D遊客然後攞住張form入到禁區後至去“Vat Refund”個counter度攞錢; 無蓋印嘅form係唔使旨意有錢攞, 我眼見好多遊客“領嘢”, 嘈喧巴閉, 但無用, 佢哋又唔可以再出返去蓋印, 當買教訓囉。
所以你明點解之前蓋印間房仔咁唔顯眼啦, 泰國政府可能唔多想回水, 博D人唔記得蓋印, 未大條道理唔使俾錢囉。
下次記得蓋咗印至好入閘呀!!! 如果唔係邊有錢响咁大個新機場度洗吖。
曼谷嘅退稅手續好攪鬼, 要响入閘前去個退稅counter度蓋印, 入閘後先退錢。 但個處理蓋印嘅counter實情喺間房仔入面, 門口超細, 超鬼崇, 行過咗都唔知嗰隻, 係咁易有幾張爛鬼枱, 有條電死面(工作人員)眼睥睥咁同D旅客响張黃色退稅表上面蓋印, D遊客然後攞住張form入到禁區後至去“Vat Refund”個counter度攞錢; 無蓋印嘅form係唔使旨意有錢攞, 我眼見好多遊客“領嘢”, 嘈喧巴閉, 但無用, 佢哋又唔可以再出返去蓋印, 當買教訓囉。
所以你明點解之前蓋印間房仔咁唔顯眼啦, 泰國政府可能唔多想回水, 博D人唔記得蓋印, 未大條道理唔使俾錢囉。
下次記得蓋咗印至好入閘呀!!! 如果唔係邊有錢响咁大個新機場度洗吖。
2007年5月29日 星期二
齊來學泰文 ~ “”(音loh)
“”呢個形容詞相信好多香港人都經常掛响口邊, 至於意思就無需多講啦! 但泰文“loh”嘅意思原來係形容男士handsome咁解。
話說同行嘅J君嗰日响企鵝店度試衫, 試到「不亦樂乎」, 以J君昂藏六呎嘅身型至少着大碼, 但其中有件衫阿J君係都想試中碼, A姐已經係咁話中碼唔啱, 連sales A都話“Me De 庵(medium) too small”(泰腔英語), J君堅持想試, sales A唯有順佢意, 試完出嚟, 真係細咗D, 但sales B忽然講話“ho land loh~~”, 我哋好奇怪咁望住sales B, 佢跟住就話“handsome”, 表示係泰文讚賞男士嘅說話! 我比較衰, 我第一時間就覺得同廣東話「好X」嘅發音好似, 於是我同A姐同埋劉公講話咁似粗口嘅!?? 加埋之前試中碼單嘢, 就覺得“ho land loh~~”係神來之筆! 當時我心諗: 「亞姐, 咪玩嘢, 查實你係咪識廣東話架!」(哈哈~~~)
之後sales B仲解釋就咁用“loh”都得, 跟住J君每次試完衫出嚟, 我就不斷用 “ho land loh”呀, 或者 "loh"呀嚟讚美佢, 可能J君太專心試衫, 唔多理我, 否則實丙我。
記得下次見到靚仔, 不妨兜口兜面讚佢“(loh)”啦!!!
話說同行嘅J君嗰日响企鵝店度試衫, 試到「不亦樂乎」, 以J君昂藏六呎嘅身型至少着大碼, 但其中有件衫阿J君係都想試中碼, A姐已經係咁話中碼唔啱, 連sales A都話“Me De 庵(medium) too small”(泰腔英語), J君堅持想試, sales A唯有順佢意, 試完出嚟, 真係細咗D, 但sales B忽然講話“ho land loh~~”, 我哋好奇怪咁望住sales B, 佢跟住就話“handsome”, 表示係泰文讚賞男士嘅說話! 我比較衰, 我第一時間就覺得同廣東話「好X」嘅發音好似, 於是我同A姐同埋劉公講話咁似粗口嘅!?? 加埋之前試中碼單嘢, 就覺得“ho land loh~~”係神來之筆! 當時我心諗: 「亞姐, 咪玩嘢, 查實你係咪識廣東話架!」(哈哈~~~)
之後sales B仲解釋就咁用“loh”都得, 跟住J君每次試完衫出嚟, 我就不斷用 “ho land loh”呀, 或者 "loh"呀嚟讚美佢, 可能J君太專心試衫, 唔多理我, 否則實丙我。
記得下次見到靚仔, 不妨兜口兜面讚佢“(loh)”啦!!!
Thailand好買 (III)
Central World Plaza vs Central Chitlom
Central World Plaza
Central Chitlom
以前嘅World Trade Center轉型後叫 Central World Plaza, 比以前“正”咗好多, 多嘢買咗同埋個場無咁老土, 相信同Chit Lom站另一邊嗰個Central Department Store係同一個集團, 所以兩個場D格局好似, 不過D貨有D唔同, 我本人覺得Central Dept. Store D貨仲多D選擇, 其中有層賣D高價泰國特色貨品嘅我就最鍾意行, 次次都買到嘢架!
老鼠墊( mouse pad), 23(W) x18(H)cm, 送禮自用皆宜, 每張100匹。
Central World Plaza
Central Chitlom
以前嘅World Trade Center轉型後叫 Central World Plaza, 比以前“正”咗好多, 多嘢買咗同埋個場無咁老土, 相信同Chit Lom站另一邊嗰個Central Department Store係同一個集團, 所以兩個場D格局好似, 不過D貨有D唔同, 我本人覺得Central Dept. Store D貨仲多D選擇, 其中有層賣D高價泰國特色貨品嘅我就最鍾意行, 次次都買到嘢架!
老鼠墊( mouse pad), 23(W) x18(H)cm, 送禮自用皆宜, 每張100匹。
雜物箱, 用泰式布料製作, 上方有個蓋, 其餘四面可以放相。
Central World Plaza入面有個Muji(無印良品)嘅counter, 價錢同香港唔差好遠, 平5-10個巴仙左右, 勝在size齊備, 又可以退稅, 唔錯! 你知香港Muji全年無discount架啦。有件軍綠色衛衣我原本喺香港睇啱咗, 但全港Muji都無哂size, 結果買唔成, 咁啱呢度有貨, 仲平咗, 咁仲使諗?
Big C 
每次嚟都會行吓, 買吓嘢食嘢飲都好。上次嚟D“團友”狂掃洗頭水, 今次我哋就掃平價t-shirt、短褲, 有幾平? 十幾蚊港幣有交易! 屋企着都抵。
Thailand好買 (II)
Siam Paragon Area
個場本身好大, 店鋪同店鋪之間嘅距離幾遠, 好易行到腳仔軟, 但我覺得响Paragon無咩買, 因為大部份係屬當地嘅中上價貨, 同香港嘅mall差唔多。
我反而鍾意行Siam Center 同Siam Discovery多D, 多D當地特色品牌同貨品, 今次受佐治所托, 去一間英國嘅著名家品店 “Habitat”, D嘢幾貴, 淨係本catalogue都要成350匹, 可想而知啦! 趁無乜人發覺加上劉公做掩護, 幫佐治偷影咗幾張相。
Cerruti Jeans
早幾年劉公响Siam附近呢間Cerruti Jeans執平貨買咗兩條牛仔褲着到宜家, 更讚不絕口, 成日都想再嚟入貨, 今次終於機會嚟啦!
原本係個超級路盲嘅我, 今鋪如有神助, 一出Siam Discovery無耐就俾我揾返呢間Cerruti 專門店, 嘩, 做緊八折添, 加埋退稅7%, 都差唔多成七折喎, 抵! 一於揀完試, 試完再揀, 揀完再試......
結果, 我哋四條友一共買咗成十條褲, 五六件衫, 响間鋪頭足足玩咗成兩個幾鐘, D sales淨係招呼我哋幾個都已經煩死, 哈哈! 話時話一條老牛退埋稅都要成三百幾架, 但勝在質料唔錯, D cutting又着得個人瘦D, 對腳長D, 喂! 抵哂啦, 我哋班中坑個個中年發福架嘛, 幾大都大手入貨啦!
所以, 各位老友, 如果發覺宜家好難買牛仔褲, 又或者D牛仔褲攪到自己D身型變哂, 咁……你去開曼谷嘅話, 就需要嚟呢度吓嘞!
個場本身好大, 店鋪同店鋪之間嘅距離幾遠, 好易行到腳仔軟, 但我覺得响Paragon無咩買, 因為大部份係屬當地嘅中上價貨, 同香港嘅mall差唔多。
我反而鍾意行Siam Center 同Siam Discovery多D, 多D當地特色品牌同貨品, 今次受佐治所托, 去一間英國嘅著名家品店 “Habitat”, D嘢幾貴, 淨係本catalogue都要成350匹, 可想而知啦! 趁無乜人發覺加上劉公做掩護, 幫佐治偷影咗幾張相。
Cerruti Jeans
早幾年劉公响Siam附近呢間Cerruti Jeans執平貨買咗兩條牛仔褲着到宜家, 更讚不絕口, 成日都想再嚟入貨, 今次終於機會嚟啦!
原本係個超級路盲嘅我, 今鋪如有神助, 一出Siam Discovery無耐就俾我揾返呢間Cerruti 專門店, 嘩, 做緊八折添, 加埋退稅7%, 都差唔多成七折喎, 抵! 一於揀完試, 試完再揀, 揀完再試......
結果, 我哋四條友一共買咗成十條褲, 五六件衫, 响間鋪頭足足玩咗成兩個幾鐘, D sales淨係招呼我哋幾個都已經煩死, 哈哈! 話時話一條老牛退埋稅都要成三百幾架, 但勝在質料唔錯, D cutting又着得個人瘦D, 對腳長D, 喂! 抵哂啦, 我哋班中坑個個中年發福架嘛, 幾大都大手入貨啦!
所以, 各位老友, 如果發覺宜家好難買牛仔褲, 又或者D牛仔褲攪到自己D身型變哂, 咁……你去開曼谷嘅話, 就需要嚟呢度吓嘞!
2007年5月21日 星期一
Thailand好買 (I)
嚟曼谷除咗食, 相信最吸引嘅係行街同買嘢, 不過宜家泰幣嘅滙率跌到得4.2幾左右(以前差唔多1兌5架), 無形中D物價貴咗十幾個巴仙, 少數怕長計呀嘛~~ 不過中高價嘅牌子同貨品真係多咗好多, 相信泰國國民嘅收入同生活水平都改善咗。雖然D嘢係比以前貴咗, 仍無減我哋購物嘅慾望, 特別係一心諗住嚟掃貨嘅A姐同J君。
(温馨提示: 聽講响林真香換錢兌得高D, 我哋換嗰陣兌4.38, 好似高少少喎, 連不嬲數口精嘅J君都話抵D, 咁我梗信佢啦。 咁啱酒店對面嘅Amarin有間林真香, 所以好方便!)
第一站 ~ Amarin
除咗去林真香換錢, 呢個場仲有間好嘢, 就係响二樓嘅 “企鵝牌”(Grandslam Munsingwear)嘞, 個牌子專出golf衫, 所以D質料好通爽, 男女裝都有, 係J君至愛嘅牌子之一, 不過又真係抵, 我舊年响度買咗幾件T-shirt, 加埋都係一千蚊左右, 但有次我响香港行Sogo見到佢個counter, 一件女裝T-shirt都賣成千銀!!?? 差咁遠? 自此嚟曼谷必然嚟望吓, 睇吓有冇嘢啱。唔使問, J君又滿載而歸啦!
行“企鵝”之餘, 都可以行吓個場, 可能有驚喜架! 我就响其中間鋪頭仔買咗件得意狗仔T同埋象象拖鞋, 次次嚟都有幫襯架。
狗仔T, 隻狗仔可以出入間屋仔架, 幾得意。 250匹
象象拖鞋, 幾舒服架。 190匹
如果想寄張名信片俾自己或者俾親朋好友, 呢度嘅3樓有個counter可以代寄postcard, 一張名信片連郵費收28匹, 單買名信片一張要10匹, 唔平架, 出面一叠八張都係賣幾十匹咋。我哋一個單位寄咗一張返香港俾自己, 我嗰張收到未呢? 嘻…不過我幾日無睇信箱 :P
第二站 ~ Suan Lum Night Bazaar (以下簡稱Suan Lum)
之前响旅遊書見過呢個地方, 但唔知點解一直無嚟, 剩係識得去翟度翟, 不過次次行翟度翟都俾佢揸乾揸淨, 面油都標埋, 事關天氣熱, 嗰度路又窄, 鋪頭又密, 唔通風, 問你死未? Suan Lum同翟度翟嘅形式差唔多, 賣嘅嘢都差唔多, 但D路闊D, 加上夜晚, 起碼無咁熱先啦, 而且食肆多D又好坐D, 有D仲有冷氣添, 幾good架!
戰利品(一) : 手製迷你泰國名牌交通工具三轆仔一架
戰利品(二) : 浴室鋪地毛巾兩條, 貪佢平, 用完"劈", 150匹兩條。
戰利品(三) : T-shirt一件, 買呢個牌子(Mae Fah Luang)嘅產品可以做善事, 唔錯, 一擧兩得。件T質料唔錯, 起碼洗完仲着得……哈哈。相中所見係已經洗過嚟, 不過未熨。
Suan Lum 另外出名在有嗰露天beer garden, 周邊好多鋪頭仔可以買嘢飲買嘢食, 然後揾個位坐低慢慢歎, 仲有表演睇, 好多老外歎啤睇show架!
(温馨提示: 聽講响林真香換錢兌得高D, 我哋換嗰陣兌4.38, 好似高少少喎, 連不嬲數口精嘅J君都話抵D, 咁我梗信佢啦。 咁啱酒店對面嘅Amarin有間林真香, 所以好方便!)
第一站 ~ Amarin
除咗去林真香換錢, 呢個場仲有間好嘢, 就係响二樓嘅 “企鵝牌”(Grandslam Munsingwear)嘞, 個牌子專出golf衫, 所以D質料好通爽, 男女裝都有, 係J君至愛嘅牌子之一, 不過又真係抵, 我舊年响度買咗幾件T-shirt, 加埋都係一千蚊左右, 但有次我响香港行Sogo見到佢個counter, 一件女裝T-shirt都賣成千銀!!?? 差咁遠? 自此嚟曼谷必然嚟望吓, 睇吓有冇嘢啱。唔使問, J君又滿載而歸啦!
行“企鵝”之餘, 都可以行吓個場, 可能有驚喜架! 我就响其中間鋪頭仔買咗件得意狗仔T同埋象象拖鞋, 次次嚟都有幫襯架。
狗仔T, 隻狗仔可以出入間屋仔架, 幾得意。 250匹
象象拖鞋, 幾舒服架。 190匹
如果想寄張名信片俾自己或者俾親朋好友, 呢度嘅3樓有個counter可以代寄postcard, 一張名信片連郵費收28匹, 單買名信片一張要10匹, 唔平架, 出面一叠八張都係賣幾十匹咋。我哋一個單位寄咗一張返香港俾自己, 我嗰張收到未呢? 嘻…不過我幾日無睇信箱 :P
第二站 ~ Suan Lum Night Bazaar (以下簡稱Suan Lum)
之前响旅遊書見過呢個地方, 但唔知點解一直無嚟, 剩係識得去翟度翟, 不過次次行翟度翟都俾佢揸乾揸淨, 面油都標埋, 事關天氣熱, 嗰度路又窄, 鋪頭又密, 唔通風, 問你死未? Suan Lum同翟度翟嘅形式差唔多, 賣嘅嘢都差唔多, 但D路闊D, 加上夜晚, 起碼無咁熱先啦, 而且食肆多D又好坐D, 有D仲有冷氣添, 幾good架!
戰利品(一) : 手製迷你泰國名牌交通工具三轆仔一架
戰利品(二) : 浴室鋪地毛巾兩條, 貪佢平, 用完"劈", 150匹兩條。
戰利品(三) : T-shirt一件, 買呢個牌子(Mae Fah Luang)嘅產品可以做善事, 唔錯, 一擧兩得。件T質料唔錯, 起碼洗完仲着得……哈哈。相中所見係已經洗過嚟, 不過未熨。
Suan Lum 另外出名在有嗰露天beer garden, 周邊好多鋪頭仔可以買嘢飲買嘢食, 然後揾個位坐低慢慢歎, 仲有表演睇, 好多老外歎啤睇show架!
2007年5月19日 星期六
Thailand 好食 (III)
Le Pre Grill
去曼谷通常都會食吓法國菜, C'est Bon 略嫌太像港人飯堂, 欠缺風味, 而且宜家香港都有得食; Auberge Dab好食, 卻因物業重建, 現已結業, 可惜。A姐在旅遊書中揾到呢間位於小巷之中嘅 Le Pre Grill, 店鋪原來係間白色小屋, 一不留神就好易走漏眼, 餐廳沒有華麗佈置, 却別有一番風味, 據說顧客多為日本人, 我們光顧那天就正好有一枱日本客, 全女班。
中午餐單有兩道菜至四道菜選擇, 若果唔啱心水, 又可點menu中菜式。
露筍忌廉湯好味
我點了燒魚柳, 其他人都話腥, 我就唔太覺, 反而覺得幾好味。
劉公點了鴨胸, 味道不錯, 肉質彈牙。
J君叫了一個豬肉配意粉, 但豬肉口感似港式牛腩, 味道一般。
73/2 Soi Lang Suan 4 Lampinee Partumwan Bangkok
Tel: 02-2535919 Fax: 02-2535918
Email: admin@lepregrill.com
http://www.lepregrill.com/
其實距離Chit Lom BTS站不遠, 如步行前往, 大概15至20分鐘路程, 但我們懶行, 所以搭的士去, 第一次經過時, 架的士miss咗個路口, 結果兜咗一個大圈至返到去, 記住係Soi 4, 見到呢個路牌至係。
其他好介紹:
去曼谷通常都會食吓法國菜, C'est Bon 略嫌太像港人飯堂, 欠缺風味, 而且宜家香港都有得食; Auberge Dab好食, 卻因物業重建, 現已結業, 可惜。A姐在旅遊書中揾到呢間位於小巷之中嘅 Le Pre Grill, 店鋪原來係間白色小屋, 一不留神就好易走漏眼, 餐廳沒有華麗佈置, 却別有一番風味, 據說顧客多為日本人, 我們光顧那天就正好有一枱日本客, 全女班。
中午餐單有兩道菜至四道菜選擇, 若果唔啱心水, 又可點menu中菜式。
露筍忌廉湯好味
我點了燒魚柳, 其他人都話腥, 我就唔太覺, 反而覺得幾好味。
劉公點了鴨胸, 味道不錯, 肉質彈牙。
J君叫了一個豬肉配意粉, 但豬肉口感似港式牛腩, 味道一般。
73/2 Soi Lang Suan 4 Lampinee Partumwan Bangkok
Tel: 02-2535919 Fax: 02-2535918
Email: admin@lepregrill.com
http://www.lepregrill.com/
其實距離Chit Lom BTS站不遠, 如步行前往, 大概15至20分鐘路程, 但我們懶行, 所以搭的士去, 第一次經過時, 架的士miss咗個路口, 結果兜咗一個大圈至返到去, 記住係Soi 4, 見到呢個路牌至係。
其他好介紹:
(1) 响Central World Center間food court好坐又好食, 值得一試。
(2) 另外, 响Gayson隔離條街晚黑有夜市, 好熱鬧, 有D街邊檔都有好嘢食, 其中生果同燒雞翼差唔多每晚必食之選。嗰D透明膠櫃嘅賣生果車仔, 每款生果都只係十匹, 驚唔衞生? 咪食囉, 我食咗咁多次都無事噃。近Aroma酒店附近有個亞叔檔燒雞翼(仲有雞肉、雞腎之類)好味又抵食, 而且檔口開得夜, 過咗十一點都仲見佢, 如果撞啱佢收檔, 仲會醒多幾串俾你, 雞翼每串十匹, 雞肉五匹。
訂閱：
文章 (Atom)
