講開又講, 宜家 “必需” 二人成行嘅package條款好苛刻, 如果報咗名嘅其中一個上唔到機, 另外嗰個都唔使旨意自己去玩, 因為都唔可以一個人check-in 上機, 問你死未? (温馨提示: 安運滿fun間中就會有D幾抵玩嘅package, 而且接hotline嘅職員好禮貌又細心又helpful, 幾唔錯, 我呢幾年參加自遊行梗幫襯佢。)
出發嗰日坐CX713 8:50起飛班機, 但宜家又有D乜鬼入禁區前嘅手提行李檢查,旅行社職員話要提前兩個半鐘到機場, 所以清晨5點就要起身, 真攞命! 結果乜都無check, 食完個Burger King 早餐仲hea 一大輪才登機出發。
到達曼谷新機場, 真係大咗好多, 而且又新, 仲有D似香港嘅國際機場添。但由新機場出市區就要成半個鐘嘞, 如果搭的士大概400匹左右, 都唔算貴。响新機場搭的士都好方便, 只要留意指示都好易揾。
到咗酒店, 好嘢! 開始曼谷玩樂之旅啦~~~~
沒有留言:
張貼留言